Историко-культурный, духовно-просветительский и
благотворительный фонд имени Махмуда из Кахабросо

Народный поэт Дагестана

Расул Гамзатов

...Я знаю наизусть всего Махмуда,

Но я не понимаю одного,

Откуда о любви моей, откуда.

Узнал он до рождения моего…

 

Дунял гIаламалъе гIищкъул рукъги бан,

Дун къотIнов хутIана къадал ракьанда…

 

БитIараб буго!   ХъахIабрсулъа МахIмудил къисмат жинцаго хъвавухъе ккун букIана. Гьаруна гьес хIикматал рокьул кучIдул ТечIо гьес шагIирзабазе рагьизе балайдул балъголъиялда бигъараб пардав. Гьедин бана гьес «ГIищкъул рукъ» — рокьул шигIрабазул жинда релълъараб лъугьине гьечIеб, гьайбатаб диван. Кинго щвечIо гьесие гьесул Maрьям —Бекьилъа Муи. ХутIана гьев, жинцаго бараб ГIищкъул рукъалде жанивеги ккечIого, къотIнов, къадал ракьанда—йокьулелдаса тIyн…

Дида къварилъиялъ къан буго рачел,

КъотIун реханиги хурхун батула…

Ургъел тIагIанилан тIаде ворхани,

Нахъа чIун батула цойгиги балагь...

 

У! Къваридаб букIана МахIмудил гIумруго. ЧIчIалде щолареб рокьуца гуревги, рокьи бигъиналъе гIиллалъун ккараб мискинлъиялъги кIвекIана кIудияв шагIир. Гьеб гIечIелъубе гIасрудал жагьиллъиялъги жиндир гьаглъиялъул цIал цIакъ гIемер жемизе гьабуна поэтасул хIеренаб ракIалде. Гьесда бихьана наибасул тагIзирги, туснахъалъул хьуриги, жиндирго инсуца жиндир кучIдул рухIараб къоги, къотIи букIарай гьудулалъги гъересиго инкар гьабураб балагьаб лахIзатги.

...Дунго хванагиги, халкъалда лъалел

Къасидатал тана таманал рокьул...

Гьай-гьай, жив хисун нахъе хутIизе лъимерцин гьечIев кочIохъанасул гIумру хирияб ракI гIодобе биччазе бугизего бугеб жо букIана, жиндир гIумруялъул лъалкIлъун ккараб, кечI. Гьеб нахъе хутIулеблъи гьесда лъазеги лъалаан.

Амма гьесда лъалароан къварилъиялъ рачелги къачIеб, ургъел тIагIиналде нахъа чIун балагьги батулареб,  гIищкъул   рукъалдаса   махIрумлъун къотIнов живгоги хутIулареб, жиндир тIахьалги цIарги кIудияб ВатIаналдаго тIибитIараб къо тIаде бачIинеблъи. БачIана МахIмудиде гьеб къо. Живго чIван хваниги, халкъалъе цIикIкIун чIаголъана шагIир. ЧIужугIаданалъул берцинлъиялъе къулараб бетIер мазгаралде буссинабун борхалъуде бахинабуна халкъалъ. Пагьму бугез хъвана, гьунар бугез ахIана гьесул хIакъалъулъ кучIдул. Гьале, нилъер Республикаялъул хIукуматалъул хIукмуялдалъун кIодо гьабулеб буго шагIирасул юбилейги—MaxIмуд гьавуралдаса I00 сон тIубай.

Гьеб къоялде биччалеб гьаб тIехь батани анкьабилеб биччалеб тIехьлъун, нилъер наслабаз цIализе буго МахIмудил анкьнусабизе бахъарабги байрамияб тIехь.

 368947, Россия, Республика Дагестан, с. Кахабросо. Tel.+79285304544, E-mail: dagistan@mail.ru